56 ёшли тажрибали мураббий Паулу Бенту Ўзбекистон миллий терма жамоасини бошқариш бўйича таклифни қабул қилмади. Бу ҳақда Португалиянинг “А Bola” нашри хабар берди.
Маълумотларга кўра, мутахассис Ўзбекистон Футбол Ассоциацияси билан музокараларда иштирок этган, бироқ тақдим этилган шартлар унинг фаолиятидаги навбатдаги босқич учун кутилган даражага тўғри келмаган. Шу сабабли, Бенту таклифни рад этган.
Эслатиб ўтамиз, Бенту 2010–2014 йилларда Португалия термасига,2018–2022 йилларда Жанубий Корея термасига бош мураббийлик қилган.
У жорий йил март ойида БАА термасидаги ишини якунлаган эди.
Айни пайтда Ўзбекистон терма жамоаси “CAFA Nations Cup” мусобақасида қатнашмоқда ва жамоага вақтинча Тимур Кападзе раҳбарлик қиляпти.
