Марказий Осиёдан минглаб фуқаролар Россия армияси таркибида Украинадаги урушга жалб этилгани айтилмоқда. Энг кўп иштирокчилар Ўзбекистон ва Тожикистон ҳиссасига тўғри келади. Бу ҳақда Zamon.uz маълум қилди.
Мустақил журналист Григорий Пирликнинг “Украина-Марказий Осиё” лойиҳасида жами 12 666 нафар марказий осиёликнинг шахси аниқланган. Улар орасида 4 853 нафар ўзбекистонлик, 3 407 нафар тожикистонлик, 2 389 нафар қозоғистонлик, 1 439 нафар қирғизистонлик ва 578 нафар туркманистонлик бор.
2025 йилда Ўзбекистон фуқаролари бўйича икки марта рўйхат эълон қилинган: майда 1 110 нафар, июлда эса яна 902 нафар. Кейинги ойларда яна 2 841 нафар ўзбекистонлик ҳақида маълумот тўпланган.
Украина томонига кўра, марказий осиёликлар асосан пиёда қўшин сифатида, энг хавфли йўналишларга юборилмоқда. Айрим мигрантлар эса Россияда босим остида шартнома имзолашга мажбурланаётганини айтган.
