FIFA АҚШ–Исроил можароси фонида Эроннинг Жаҳон чемпионати ўйинларини бошқа ҳудудга кўчириш ҳақидаги сўровини рад этди. Мексика президенти Клаудия Шейнбаумга кўра, бундай қарор логистика мураккаблиги сабаб қабул қилинган.
Унинг таъкидлашича, ўйинлар аввал режалаштирилганидек АҚШда ўтказилади. Ҳаттоки Эрон ўйинларини Мексикага кўчириш варианти ҳам кўриб чиқилмаган.
FIFA президенти Жанни Инфантино ҳам ўйинлар қуръа бўйича белгиланган майдонларда ўтказилишини билдириб, Эрон Жаҳон чемпионатида иштирок этишини тасдиқлади.
Аввалроқ Эрон футбол федерацияси АҚШда хавфсизлик масаласи бўйича хавотир билдирган. Бу Дональд Трампнинг баёнотларидан кейин янада кучайган.
Шу билан бирга, томонлар ўртасида баёнотлар алмашинуви давом этмоқда. Эрон расмийлари ўйинлар кўчирилмаса, жамоанинг иштирокини ноаниқ деб баҳолаган.
