Учрашув Тошкентдаги “Бунёдкор” стадионида соат 19:00 да бошланади. Мазкур турнир FIFA тасарруфида ташкил этилган бўлиб, пойтахт яна бир халқаро ўйинга мезбонлик қилмоқда.
Шу куни яна бир беллашув ҳам ўтказилади — Габон ва Тринидад ва Тобаго терма жамоалари “Пахтакор” стадионида соат 15:00 да ўзаро куч синашади.
Эслатиб ўтамиз, Ўзбекистон терма жамоаси 27 март куни Габонга қарши ўйинда 3:1 ҳисобида ғалаба қозонган эди. Ушбу баҳсда Элдор Шомуродов, Жаҳонгир Ўрозов ва Алишер Одилов гол урган.






