Журналист Фабрицио Романо маълумотига кўра, Зидан Франция футбол федерацияси билан бош мураббий лавозими бўйича оғзаки келишувга эришган. Қайд этилишича, бу қарорни қиш ойларидаёқ эълон қилиш мумкин эди, бироқ амалдаги мураббий Дидье Дешамга ҳурмат юзасидан кечиктирилган.
Манбага кўра, Зидан ўз штабига “Реал Мадрид”да бирга ишлаган Давид Беттони ва Ҳамиду Мсаидини жалб қилишни режалаштирмоқда.
Маълумот учун, Зинедин Зидан Реал Мадрид бош мураббийи сифатида икки марта Испания чемпионлигини қўлга киритган ва уч марта Чемпионлар лигасида ғолиб чиққан.






