Ўзбекистонлик гроссмейстер Жавоҳир Синдоров Номзодлар турнирида навбатдаги ғалабани қўлга киритиб, пешқадамликни давом эттирмоқда.
Ушбу турда у дунёнинг энг кучли шахматчиларидан бири саналган Вэй И устидан ишончли ғалабага эришди.
6 та партиядан 5,5 очко жамғарган Синдоров турнир жадвалида якка етакчиликни сақлаб турибди.
Маълумот учун, мусобақа жами 14 турдан иборат бўлиб, 15 апрелга қадар давом этади.
Қайд этилишича, Синдоров 2025 йилги Жаҳон кубоги финалида ҳам айнан Вэй И устидан тай-брейкда ғалаба қозониб, бош совринни қўлга киритган эди.
Эслатиб ўтамиз, Жавоҳир Синдоров жаҳон шахмат тожи учун курашиш имконини берувчи ушбу нуфузли турнирда иштирок этаётган илк ўзбекистонлик шахматчи ҳисобланади. У мусобақани россиялик Андрей Есипенкони мағлуб этиш билан бошлаган.
