Ижтимоий тармоқларда InfinBANK ходими мижозини ўлдиргани ҳақида тарқалган хабарларга Бош прокуратура расмий изоҳ берди.
Матбуот котиби Ҳаёт Шамсутдинов Darakchi.uz’га маълум қилишича, Қўқон шаҳрида кредит олиш учун келган фуқаро банк ходими билан жанжаллашиб қолган.
Терговга қадар текширувда гумонланувчи жанжал вақтида пичоқ билан зарба бериб, уни қасддан ўлдирганини тан олган.
Шундан сўнг у жасадни автомашинада олиб кетиб, Катта Фарғона каналига ташлаб юборгани айтилмоқда. Ҳозирда жасадни қидириш ишлари давом этмоқда, гумонланувчи эса ушланиб, жиноят иши доирасида тергов олиб борилмоқда.
