Ijtimoiy tarmoqlarda ammaki va jiyan o‘rtasidan yuz bergan janjal aks etgan video tarqaldi. Holat Farg‘ona viloyati IIB tomonidan o‘rganildi. Mojaro jiyan va amakining o‘zaro kelishmovchiligidan kelib chiqqani ma’lum bo‘ldi.
Farg‘ona viloyati IIB xabariga ko‘ra, 9 dekabr kuni Quva tumani Pandiqon mahallasida yashovchi 1975 yilda tug‘ilgan A.B. va uning jiyani, 1990 yilda tug‘ilgan A.X. o‘rtasida kelishmovchilik sabab janjal kelib chiqqan. Holat aks etgan video ijtimoiy tarmoqlarda tarqalganidan so‘ng, voqea rasmiy tartibda o‘rganib chiqildi.
Mazkur holat bo‘yicha A.X., A.B. va A.A.ga nisbatan Ma’muriy javobgarlik to‘g‘risidagi Kodeksning 41-moddasi asosida hujjatlar rasmiylashtirilib, Quva tuman JIB sudiga yuborildi.
Shuningdek, A.X. boshqaruvidagi Neksia-1 avtomobilida amakisi A.B.ni urib yuborgani aytilayotgan holat yuzasidan ham tergovgacha tekshiruv ishlari olib borilmoqda.
