Ko‘ksaroy qarorgohida milliy estrada san’atining yorqin namoyandasi, O‘zbekiston xalq artisti Farruh Zokirovning 80 yillik tavalludi munosabati bilan tantanali tadbir bo‘lib o‘tdi. Unda davlat va jamoat arboblari, madaniyat va san’at namoyandalari, ijodkor ziyolilar hamda keng jamoatchilik vakillari ishtirok etdi.
Tadbirda Zokirovlar sulolasining milliy musiqa va qo‘shiqchilik san’ati rivojiga qo‘shgan ulkan hissasi alohida ta’kidlandi. Xususan, Karim Zokirov asos solgan san’at maktabi va Botir Zokirovning boy ijodiy merosi xalqimizning ma’naviy boyligi sifatida e’tirof etildi. Farruh Zokirov ana shu an’analarni munosab davom ettirib, milliy estradani yangi bosqichga olib chiqqan san’atkor sifatida qayd etildi.
Bugun san’atkor nomi "Yalla" ansambli bilan chambarchas bog‘liq bo‘lib, jamoa 55 yildan beri mamlakati
