Oqibatda o‘nlab odamlar halok bo‘ldi va yuzga yaqin kishi jarohat oldi. 16 aprelga o‘tar kechasi Kiyevga uyushtirilgan zarbalar eng og‘ir talafotlarga sabab bo‘ldi.
Dastlabki ma’lumotlarga ko‘ra, hujum oqibatida kamida 15 kishi halok bo‘lgan, 90 dan ortiq kishi jarohatlangan. Poytaxtning bir necha tumanlarida turar-joy binolari vayron bo‘lib, yong‘inlar yuzaga kelgan.
Shuningdek, Odessa ham kuchli zarbaga uchragan. Bu yerda 8 kishi halok bo‘lib, 16 kishi jarohat olgan. Portlashlar infratuzilma va uy-joylarga zarar yetkazgan, yuzlab derazalar singan.
Dneprda esa bir vaqtning o‘zida dronlar, raketalar va artilleriya qo‘llanilgan hujum natijasida 3 kishi halok bo‘lgan, 30 dan ortiq odam yaralangan. Turar-joy binolari va boshqa ob’ektlar zarar ko‘rgan.
Bundan tashqari, Xarkov ham dron hujumlariga uchrab, kamida ikki kishi jarohatlangan. Bir nechta uylar shikastlangan, avtomobillar yonib ketgan va gaz quvurlariga zarar yetgan.
Ukraina harbiy-havo kuchlari ma’lumotiga ko‘ra, Rossiya tomonidan jami 44 ta raketa va 659 ta dron uchirilgan.
Ularidan aksariati havodan mudofaa vositalari tomonidan urib tushirilgan bo‘lsa-da, ayrim zarbalar jiddiy talafotlarga sabab bo‘lgan. Bu hujumlar so‘nggi oylar ichida eng yiriklaridan biri sifatida baholanmoqda.
