Оқибатда ўнлаб одамлар ҳалок бўлди ва юзга яқин киши жароҳат олди. 16 апрелга ўтар кечаси Киевга уюштирилган зарбалар энг оғир талафотларга сабаб бўлди.
Дастлабки маълумотларга кўра, ҳужум оқибатида камида 15 киши ҳалок бўлган, 90 дан ортиқ киши жароҳатланган. Пойтахтнинг бир неча туманларида турар-жой бинолари вайрон бўлиб, ёнғинлар юзага келган.
Шунингдек, Одесса ҳам кучли зарбага учраган. Бу ерда 8 киши ҳалок бўлиб, 16 киши жароҳат олган. Портлашлар инфратузилма ва уй-жойларга зарар етказган, юзлаб деразалар синган.
Днепрда эса бир вақтнинг ўзида дронлар, ракеталар ва артиллерия қўлланилган ҳужум натижасида 3 киши ҳалок бўлган, 30 дан ортиқ одам яраланган. Турар-жой бинолари ва бошқа объектлар зарар кўрган.
Бундан ташқари, Харков ҳам дрон ҳужумларига учраб, камида икки киши жароҳатланган. Бир нечта уйлар шикастланган, автомобиллар ёниб кетган ва газ қувурларига зарар етган.
Украина ҳарбий-ҳаво кучлари маълумотига кўра, Россия томонидан жами 44 та ракета ва 659 та дрон учирилган.
Улардан аксарияти ҳаводан мудофаа воситалари томонидан уриб туширилган бўлса-да, айрим зарбалар жиддий талафотларга сабаб бўлган. Бу ҳужумлар сўнгги ойлар ичида энг йирикларидан бири сифатида баҳоланмоқда.
