Buyuk Britaniya olimlari olmos asosidagi yangi datchik yordamida saraton metastazlarini anıqlash usulini ishlab chiqdi. Bu haqda “Physical Review Applied” jurnalida eʼlon qilindi.
Bildirilishicha,Britaniyalik fiziklarning yangi qurilmasi ixcham, portativ va xavfsiz. U olmosning noyob xususiyatlariga asoslanadi: NV-markazlar (azot atomlari va boʻshliqlardan hosil boʻlgan kristall panjara nuqsonlari) eng kichik magnit maydon oʻzgarishlarini ham qayd etishi mumkin.
Sensor temir oksidi nanopartikullari boʻlgan magnit suyuqlikka reaktsiya qiladi. Uni oʻsmaga yuborish orqali metastazlar qaysi limfa tugunlariga tarqalganini kuzatish va jarrohlik paytida aniqroq olib tashlash mumkin boʻladi.
Qurilma 0,5 mm kub hajmdagi mikro-olmos va kichik doimiy magnit yordamida ishlaydi, shu sababli qoʻshimcha katta elektronika talab etilmaydi. Shifokorlar yangilikni yuqori baholagan.
Mutaxassislar kelajakda ushbu sensor oʻpka, jigar, ichak va qiziloʻngachdagi oʻsma turlarini anıqlashda ham qoʻllanishi mumkin, deb hisoblamoqda.
