Марказий банк бошқарувининг 2026 йил 29 апрель куни бўлиб ўтган йиғилиши якунларига кўра, асосий ставка 14 фоиз даражасида ўзгаришсиз қолдирилди.
Маълум қилинишича, 2026 йил март ойида умумий инфляция йиллик 7,1 фоизгача, базавий инфляция эса 5,7 фоизгача пасайган. Шу билан бирга, умумий инфляция йил охирига қадар 6,5 фоиз атрофида шаклланиши кутилмоқда.
Иқтисодиёт тармоқларида юқори ўсиш суръатлари сақланиб қолмоқда. Жумладан, 2026 йил учун иқтисодий ўсиш прогнози 7–7,5 фоизгача оширилган.
Шу билан бирга, ташқи иқтисодий муҳитдаги геосиёсий зиддиятлар, нефть ва озиқ-овқат нархларининг ошиши, логистика харажатларининг кўпайиши инфляцияга қўшимча босим кўрсатиши мумкинлиги қайд этилган.
Марказий банк пул-кредит сиёсати орқали инфляцияни 5 фоизлик мақсадли даражага тушириш, макроиқтисодий барқарорликни таъминлаш ва аҳоли харид қобилиятини қўллаб-қувватлашни давом эттиради.
Асосий ставкани кўриб чиқиш бўйича навбатдаги йиғилиш 2026 йил 17 июн кунига белгиланган.
