Маълум қилинишича, текширувлар Суд тиббиёт институтида ўтказилган. Унга кўра, Серра Пиринч ва Энес Гулер билан бирга олинган намуналарда “марихуана” ва “кокаин” моддалари аниқланган. Шунингдек, қўшиқчи Утку Унсалда “марихуана”, Симге Сағинда эса дори таркибидаги фаол модда борлиги қайд этилган.
Айтилишича, мазкур ҳолатдан сўнг Бурак Дениз жиноий жавобгарликка тортилиши, шунингдек реклама ва бошқа шартномалардан маҳрум бўлиши мумкин. У аввал ҳам маст ҳолатда турли можароларга аралашгани айтилмоқда.
Маълумот учун, Бурак Дениз 35 ёшда бўлиб, у актёрлик фаолиятини “Коллеж кундалиги” сериали орқали бошлаган. Кейинчалик “Қочоқ” ва “Бизнинг ҳикоя” каби лойиҳалар орқали кенг оммага танилган.
Эслатиб ўтамиз, у аввалроқ Истанбулда гиёҳвандликка қарши операция доирасида қўлга олингани ҳақида хабарлар тарқалганди.
