Хайриддин Султонов ёзувчи, публицист, давлат ва жамоат арбоби. У 1956 йил 19 январь куни Тошкент вилоятида туғилган.
Ёзувчи "Сарбадорлар" номли тарихий биографик асари, “Саодат соҳили”, “Ёзнинг ёлғиз ёдгори", “Кўнгил озодадур”, “Ажойиб кунларнинг бирида” сингари қиссалари билан адабиётимиз ривожига салмоқли ҳисса қўшган.
Хайриддин Султон «Шуҳрат» медали, “Меҳнат шуҳрати” ордени, “Ўзбекистон Республикасида хизмат кўрсатган журналист” фахрий унвони ва “Фидокорона хизматлари учун” ордени билан ҳам тақдирланган.
Йил бошида адибнинг миллий озодлик ҳаракати намоёндалари ҳаётини акс эттирувчи “Ялдо кечаси” номли асарининг тақдимоти бўлиб ўтган эди.
