ФИФА президенти Жанни Инфантино Шимолий Америкада ўтказиладиган Жаҳон чемпионати чипталари нархларининг юқорилиги юзасидан фикр билдирди.
Унинг таъкидлашича, ФИФА ҳар тўрт йилда бир марта ўтказиладиган Жаҳон чемпионатидан тушадиган даромадни дунё бўйлаб футболни ривожлантиришга йўналтиради. Инфантино ушбу мусобақа ташкилотнинг асосий даромад манбаи эканини қайд этди.
Маълумотларга кўра, финал ўйини учун юқори қаторлардаги чипта нархи 8860 долларни ташкил этса, қуйи қаторлардаги жойлар 25 минг долларгача баҳоланмоқда. Айрим ўйинлар учун эса нархлар 14 минг долларгача етиши мумкин.
Шунингдек, ФИФА айрим стадионлар учун 60 долларлик арзон чипта вариантларини ҳам жорий қилган.
Бу йилги Жаҳон чемпионатида 48 та терма жамоа иштирок этади ва мусобақа АҚШ, Канада ҳамда Мексикада бўлиб ўтади.
