АҚШ Президенти Доналд Трамп Россия нефтини импорт қилишни тўхтатмагунча Ҳиндистон билан савдо битимини имзолашдан бош тортди. Бу ҳақда “Тҳе Washington Post” хабар берди.
Маълум қилинишича, АҚШ давлат котиби ва АҚШ Савдо вакили Жеймисон Грир Трампга Ҳиндистон билан савдо битими лойиҳасини тақдим этган, аммо Президент Ҳиндистон Россия нефтидан воз кечмагунча, битимни маъқулламаслигини айтган.
Вашингтон вакиллари Ҳиндистондан Россия нефти масаласида кескинроқ чоралар кўришни талаб қилмоқда. Оқ уй вакили Анна Келли Трамп ва Ҳиндистон Бош вазири Нарендра Моди ўртасида “ҳурматга асосланган муносабатлар” мавжудлигини айтган. Давлат департаменти эса “Ҳиндистон кўпроқ иш қилиши керак”лигини таъкидлаган.
Трамп ўзининг Truth Social платформасида Ҳиндистон Россиядан нефть ва ҳарбий маҳсулотларни кўпроқ, АҚШдан эса жуда кам миқдорда сотиб олаётганини ёзган. У шунингдек, Ню-Деҳлининг божхона тўловларини нолга тушириш таклифи “кечикканини” билдириб, АҚШ-Ҳиндистон иқтисодий алоқаларини “фалокат” деб атаган.
“Ахиос” нашрининг ёзишича, АҚШ Европани ҳам Россия энергия ресурсларини импорт қилишни давом эттираётган Ҳиндистон ва Хитойга қўшимча савдо божларини жорий этишга чорламоқда.
