AQSh Prezidenti Donald Trump Rossiya neftini import qilishni to‘xtatmaguncha Hindiston bilan savdo bitimini imzolashdan bosh tortdi. Bu haqda “The Washington Post” xabar berdi.
Ma’lum qilinishicha, AQSh davlat kotibi va AQSh Savdo vakili Jeymison Grir Trumpga Hindiston bilan savdo bitimi loyihasini taqdim etgan, ammo Prezident Hindiston Rossiya neftidan voz kechmaguncha, bitimni ma’qullamasligini aytgan.
Vashington vakillari Hindistondan Rossiya nefti masalasida keskinroq choralar ko‘rishni talab qilmoqda. Oq uy vakili Anna Kelli Trump va Hindiston Bosh vaziri Narendra Modi o‘rtasida “hurmatga asoslangan munosabatlar” mavjudligini aytgan. Davlat departamenti esa “Hindiston ko‘proq ish qilishi kerak”ligini ta’kidlagan.
Trump o‘zining Truth Social platformasida Hindiston Rossiyadan neft va harbiy mahsulotlarni ko‘proq, AQShdan esa juda kam miqdorda sotib olayotganini yozgan. U shuningdek, Nyu-Dehlining bojxona to‘lovlarini nolga tushirish taklifi “kechikkanini” bildirib, AQSh-Hindiston iqtisodiy aloqalarini “falokat” deb atagan.
“Axios” nashrining yozishicha, AQSh Yevropani ham Rossiya energiya resurslarini import qilishni davom ettirayotgan Hindiston va Xitoyga qo‘shimcha savdo bojlarini joriy etishga chorlamoqda.
