АҚШ президенти Дональд Трамп яқин кунларда Россия раҳбари Владимир Путин ва Украина президенти Володимир Зеленский билан телефон орқали мулоқот ўтказишини билдирди.
“Президент Путинга алоҳида хабарим йўқ. У менинг позициямни яхши билади. Путин барибир Украинадаги уруш бўйича қарорга келади. Биз ундан ёки мамнун бўламиз, ёки йўқ. Агар мамнун бўлмасак, нима бўлишини ўзингиз кўрасиз”, — деди Трамп Польша президенти билан учрашувда.
Шунингдек, АҚШ етакчиси бугун Парижда Европа давлатлари раҳбарлари билан учрашув ўтказадиган вақтда Зеленский билан ҳам телефон орқали суҳбатлашишини маълум қилди.
