Бу ҳақда у X (собиқ Twitter) ижтимоий тармоғидаги саҳифасида маълум қилди.
Рубионинг айтишича, USAIDнинг асосий дастурлари Давлат департаменти тасарруфига ўтказилгач, агентликни ёпиш тўғрисида қарор қабул қилинган. Агентликни тугатиш жараёнини Бюджет ва бошқарув бошқармаси директори Рассел Воут бошқаради.
Рубио постида шундай ёзди: “Президент Трамп билан суҳбатда мен ҳазиллашиб, тўртта ишим борлигини айтдим. У эса менга: ‘Улардан бирини дўстим Рассел Воутга бер’, деди”.
Давлат котиби USAID ёпилиши орқали 2025 йилнинг январидан бошлаб америкалик солиқ тўловчилар учун ўнлаб миллиард доллар маблағ тежалгани ҳақида ҳам айтди.
Аввалроқ Илoн Маск — президент Трамп томонидан бюджет харажатларини оптималлаштириш бўйича комиссия раҳбари этиб тайинланган — USAIDни тугатиш устида ишлаётганини билдирган эди. Март ойида агентлик дастурларининг 80 фоиздан ортиғи расман тўхтатилгани эълон қилинган.
Шунингдек, USAID раҳбарияти ходимларга бош офисда сақланаётган барча махфий ҳужжатларни йўқ қилишни буюргани айтилмоқда. Бу қарор АҚШ Сенатида саволлар ва суд ишларига сабаб бўлган.
USAIDнинг ёпилиши АҚШнинг халқаро ёрдам сиёсатида муҳим бурилиш сифатида баҳоланмоқда.
