АҚШнинг Apple компанияси Mac ва iPhone қурилмалари учун хавфли заифликни бартараф этувчи янги дастурий таъминот янгиланишини чиқарди. Бу ҳақда “МаcРуморс портали” хабар берди.
Билдирилишича, Июль ойи охирида чиқарилган iOS 18.6 ва macOS Sequoia 15.6 версияларида CVE-2025-6558 номли жиддий заифлик бартараф этилган. Ушбу заифлик хакерларга Chrome браузерининг хавфсизлик деворларини айланиб ихтиёрий кодни бажариш имконини берган.
Заифлик Safari браузерининг асоси бўлган WebKit “движок”ига ҳам таъсир қилган. Бу эса зарарли веб-контентни қайта ишлашда тизим хатоликларига олиб келиши мумкин.
Google бу заифликни жорий йилнинг 15 июль куни Chrome браузерида бартараф этган. Бироқ заифлик Apple операцион тизими компонентларига чуқур интеграциялашгани сабабли iPhone ва Mac учун алоҳида тизим янгиланиши талаб этилган.
Айни пайтда ушбу эксплуатациянинг техник тафсилотлари ошкор этилмаган. Заифлик ҳақиқий киберҳужумларда аллақачон ишлатилмоқда, шу сабабли Google аксарият фойдаланувчилар “ҳимоя ямоқлари”ни ўрнатмагунча тафсилотларни эълон қилмаслигини билдирган.
