Россиянинг йирик шаҳарларидан бири бўлган Санкт-Петербургда таксопаркларга патент асосида фаолият юритадиган чет элликларни ишга олиш тақиқланган. Бу ҳақда шаҳар матбуот хизмати хабар берди.
Қайд этилишича, енгил автомобилларни ижарага олган муҳожирларга тегишли.
“Ушбу қарор таксичилик соҳасида хизматлар сифати ва хавфсизлигини ошириш ва Россия Федерацияси фуқаролари учун қўшимча иш ўринлари яратишга қаратилган. Амалдаги меҳнат муносабатларини якунлаш ҳамда ўз фаолиятини амалга ошириш учун янги ходимларни жалб қилиш имконини берувчи 3 ойлик ўтиш даври назарда тутилган”,— дейилади хабарда.
Маълумот учун, Россияда чет эл фуқаросининг патенти – бу мамлакат ҳудудида қонуний ишлаш ҳуқуқини берувчи ҳужжатдир.
Бундан ташқари, аввалроқ Россия Давлат Думаси депутатлари мигрантларнинг хорижга юборадиган пул маблағларига чеклов қўйишни таклиф қилганди.
Ушбу таклифга кўра, агар мигрант ўз расмий даромадидан ортиқча миқдорда пул жўнатмоқчи бўлса, у даромадларини тасдиқловчи молиявий декларацияни тақдим этиши лозим.
