Германиянинг машҳур тўрт иншооти — Неушвайншҳтейн, Линдхерхоф, Ҳерренхимзеэ саройлари ҳамда Шахен тепалигидаги қироллик қароргоҳи расман ЮНЕСКОнинг Бутунжаҳон мероси рўйхатига киритилди. Бу ҳақда DW ёзмоқда.
Номзодлик “Қурилган орзулар” (Гебауте Träume) деб номланган бўлиб, мазкур саройлар Бавария қироли Людвиг II томонидан барпо этилган. Улар “гезамткунстверк” — яъни, ягона санъат асари сифатида баҳоланмоқда.
Энг машҳур иншоот — Неушвайншҳтейн саройи, айнан шу эртакнамо бинодан илҳомланиб, Walt Disney логотипи яратилган. Людвиг II эса тарихда “Эртаклар қироли” сифатида қолган. Бироқ бу саройлар учун сарфланган улкан маблағлар унга “руҳий носоғлом” деган тамға билан тахтдан четлаштириш баҳонасига айланди.
Аммо вақт Людвигни оқлади. Ўша пайтда сармоя сифатида қабул қилинмаган бу саройлар бугун Баварияни дунё сайёҳлик марказига айлантириб улгурган.
