Грециянинг Крит оролида юзага келган кенг кўламли ўрмон ёнғинлари туфайли 5 мингдан ортиқ аҳоли хавфсиз ҳудудларга кўчирилган. Бу ҳақда Zamon.uz’ хабар берди.
Ёнғин бир нечта йўналишда бир вақтда тарқалаётгани ва кучли шамоллар уни назорат қилишни янада қийинлаштираётгани туфайли ҳукумат ҳолатни “жуда оғир” деб эълон қилди.
Ёнғин 3 июль куни соҳилбўйи Аллиà шаҳарчаси яқинида бошланган ва тез орада ғарбга қараб кенгайган. Иэрапетра шаҳрининг витсе-мери Нектариос Пападакис сўзларига кўра, олов баъзи уйларга етиб борган ва ўрмонлар ҳамда зайтун боғларига катта зарар етган.
Камида тўрт киши касалхонага ётқизилган, улардан баъзилари ўз уйларида қолишга уринган.
À Fotià шаҳарчасида икки киши олов билан қуршаб олинган пляждан хусусий қайиқ ва қирғоқ қўриқлаш хизматлари ёрдамида қутқарилган.
Шу билан бирга, Афинадан 20 км узоқликдаги Рафина шаҳрида ҳам ўрмон ёнғини чиққан, бу ерда 1 200 киши эвакуация қилиниб, бешта уй ёнган, ҳатто пойтахт аэропортида учиш-қўниш йўлаги вақтинча ёпилган.
Метеорология хизмати бугун — 4 июль куни — Аттика, Крит, Эвиа, Пелопоннес ва Шимолий Эгей ҳудудларида ўта юқори даражадаги ёнғин хавфи мавжудлигини огоҳлантирди.
Фавқулодда хизматларга Civil Protection бош котибияти томонидан ҳушёрликни кучайтириш бўйича кўрсатмалар берилган.
Критда ҳозирча 160 дан ортиқ ўт ўчирувчи ва 49 та техника жалб қилинган.
