Еврокомиссия расмийси Гиём Мерсе Украина Евроиттифоққа аъзо бўлиши бўйича музокараларга тайёрлигини маълум қилди.
Унга кўра, расмий Киев барча зарур талабларни “энг оғир шароитларда” бажарган.
“Энди навбат Венгрияга. У қандай йўл тутишини ўзи ҳал қилиши керак”, – дейди Мерсе.
Аввалроқ, Венгрия Бош вазири Виктор Орбан ўз мамлакатида ўтказилган “референдум” натижаларига асосланиб, украиналикларнинг аъзолик масаласига қарши экани ҳақида баёнот берган.
Расмий Брюссел эса ушбу овоз беришни ҳуқуқий кучга эга эмас, деб ҳисобламоқда.
Еврокомиссия Будапештдан бу борадаги қарши фикрларни асослаб беришни талаб қилмоқда.
