Financial Times xabariga ko‘ra, Ukraina rasmiylari AQSh va Yevropa Ittifoqi bilan muzokaralarda integratsiya jarayonini tezlashtirishni talab qilmoqda. Ular Yevropa Ittifoqini kengayish siyosati borasida tanqid qilib, Bryussel ham Kiyevga manfaatdor ekanini ta’kidlamoqda.
Yevropalik amaldorlar esa bunday yondashuv muzokaralarni murakkablashtirayotganini va aniq mezonlarga asoslangan jarayonni tezlashtirib bo‘lmasligini aytmoqda. Manbalardan biri buni “a’zolik sovg‘a emas” deb izohlagan.
Qayd etilishicha, Vladimir Zelenskiy va uning jamoasi Yevropa Ittifoqining kengayish mexanizmlarini to‘liq tushunmayotgan bo‘lishi mumkin. Shu bilan birga, Zelenskiy diplomatlarga muqobil formatlarni emas, faqat to‘liq a’zolik masalasini ilgari surishni topshirgan.
