Toshkent shahri va viloyatida atrof-muhit xavfsizligini ta'minlash maqsadida 24 noyabr kuni kechki 19:00 dan so‘ng keng qamrovli ekologik nazorat tadbirlari o‘tkazildi.
Ekologiya va iqlim o‘zgarishi milliy qo‘mitasi Davlat ekologik nazorat inspektsiyasi (Ekopolitsiya) tuzgan 4 ta tezkor guruh Qibray, Zangiota, Toshkent tumanlari hamda poytaxt hududida ish olib bordi. Reydlarga FVV, Milliy gvardiya va IIV xodimlari ham jalb etildi.
Tekshiruvlar davomida jami 103 ta korxona va faoliyat yurituvchi ob'ektlar o‘rganildi. Natijada atmosfera havosini muhofaza qilish talablari buzilgan 38 ta holat aniqlandi, mas'ullarga 34,8 million so‘mlik ma'muriy jarima qo‘llandi.
Qonun talablarini qo‘pol buzgan va atrof-muhitga salbiy ta'sir ko‘rsatgan 18 ta ob'ektning faoliyati 10 kunga vaqtincha to‘xtatildi.
