Keniya sudi Nayrobi xalqaro aeroportida 2200 dan ortiq tirik chumolilar bilan ushlangan xitoylik fuqaro Zhang Ketsyuni 12 oyga qamash va 1 million keniya shillingi jarima to‘lashga hukm qildi.
Uning yuklaridan, ayniqsa, kolleksionerlar orasida qimmatbaho sanaladigan Messor cephalotes turiga mansub 1948 ta chumoli aniqlandi.
Ma’lum qilinishicha, hasharotlar probirkalarga joylangan holda yashirincha olib chiqilmoqchi bo‘lgan va keyinchalik Xitoyga yuborilishi rejalashtirilgan.
Avvaliga aybini rad etgan Zhang Ketsyun keyinchalik uni tan olgan.
Sudya Irene Gichobi mazkur hukm chumolilar kontrabandasiga qarshi kurashda og‘ir jazo sifatida xizmat qilishini ta’kidladi.
Mutaxassislar esa so‘nggi yillarda kontrabanda faqat yirik hayvonlar bilan cheklanib qolmay, balki ekotizim uchun muhim bo‘lgan kichik turlarga ham tarqalayotganini qayd etmoqda.
