Davlat xavfsizlik xizmatining Buxoro viloyati bo‘yicha boshqarmasi, Iqtisodiy jinoyatlarga qarshi kurashish departamenti hamda Milliy gvardiya xodimlari tomonidan o‘tkazilgan tezkor tadbirda Buxoro shahrida yashovchi 1998 yilda tug‘ilgan shaxs va Buxoro tumanida istiqomat qiluvchi 1984 yilda tug‘ilgan fuqaro ushlandi.
Ular o‘zaro til birlashtirib, mamlakat hududida erkin muomalaga chiqarilishi taqiqlangan uch dona flakonda bo‘lgan, jami 343 gramm simobni 35 ming dollarga sotayotgan vaqtida ashyoviy dalillar bilan qo‘lga olingan.
Mazkur holat yuzasidan ularga nisbatan Jinoyat kodeksining 185-1-moddasi 2-qismi "b" va "v" bandlari bilan jinoyat ishi qo‘zg‘atilib, tergov harakatlari olib borilmokda.
Rasmiylarga ko‘ra, simob va uni o‘z ichiga olgan birikmalarni sotish, sotib olish yoki maishiy sharotida qo‘llash qat’iyan taqiqlanadi. U kuchli zaharliilik darajasiga ega bo‘lgani bois, mamlakat hududida erkin muomala ham man etilgan.
