DHX axborot xizmatining bergan xabariga ko‘ra, 2024 yilning dekabr oyida Toshkent viloyatining Bekobod tumanida foydalanishga topshirilgan yangi maktabgacha ta’lim tashkiloti binosi bo‘yicha prokuratura tomonidan qurilishga oid tekshiruv ishlari olib borilganda, 176 million so‘mlik kamomad aniklanadi va qurilishni amalga oshirgan MChJ mansabdor shaxslariga nisbatan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zgatilib, hujjatli teftish tekshiruvi tayinlanadi.
Bundan boha bo‘lgan, Toshkent viloyati hokimligi "Yagona buyurtmachi xizmati" davlat muassasasi bosh yuriskonsulti o‘zining mansabdor tanishlari orqali teftish tekshiruvi natijalarini ijobiy hal qilib berish evaziga MChJ rahbaridan 8400 AQSh dollarini talab qiladi.
Davlat xavfsizlik xizmatining Toshkent viloyati bo‘yicha boshqarmasi xodimlari tomonidan o‘tkazilgan tezkor tadbirda bosh yuriskonsult kelishilgan pul mablag‘ini olgan vaqtida ushlandi.
Unga nisbatan Jinoyat kodeksining 168-moddasi 3-qismi "v" bandi va 28,211-moddasi 1-qismi bilan jinoyat ishi qo‘zgatilib, "qamoq" ehtiyot chorasi qo‘llandi.
Tergov harakatlari olib borilmokda.
