O‘zbekistonda ishsizlik darajasi 4,9 foizgacha tushdi

Hozirda O‘zbekiston aholisi 37,8 million kishi, ulardan 20,35 millioni mehnat resurslariga kiradi. Bandlar soni 14,81 million kishiga yetgan bo‘lib, bu 4,1 foizga o‘sish demakdir. Rasmiy sektorda ishlayotganlar 17 foizga ortib, 8,58 million kishini tashkil etdi, norasmiy sektorda esa bandlar 26,9 foizga kamaygan. 1,86 million o‘zbekistonlik chet elda mehnat qilmoqda — bu o‘tgan yilga nisbatan 512 ming kishiga ko‘p. Vazirlik ma’lumotida aytilishicha, ishsizlikning pasayishiga bandlik siyosatini kuchaytirish, yangi ish o‘rinlarini yaratish hamda investitsiya loyihalarini kengaytirish sabab bo‘lgan.