Италия Ҳормуз бўғозида кемалар қатнови хавфсизлигини таъминлаш мақсадида ўз ҳарбий денгиз кучларини жойлаштиришга тайёр эканини маълум қилди. Бу ҳақда Италия ташқи ишлар вазири Антонио Таяни АҚШ давлат котиби Марко Рубио билан Римда бўлиб ўтган учрашув давомида айтган.
Вазирнинг таъкидлашича, Италия ушбу қарорни ҳозирги кескин геосиёсий вазиятни ҳисобга олган ҳолда кўриб чиқмоқда. Бироқ Ҳормуз бўғозига ҳарбий кемаларни юбориш АҚШ ва Эрон ўртасидаги можаро якунланганидан кейин амалга оширилиши мумкин.
Таяни, шунингдек, Рим Яқин Шарқда ўт очишни тўхтатиш ва барқарорликни таъминлашга қаратилган барча ташаббусларни қўллаб-қувватлашини таъкидлади.
“Италия мулоқот ва дипломатик ечимларни давом эттириш тарафдори”, — деди у.
