Italiya Hormuz bo‘g‘ozida kemalar qatnovi xavfsizligini ta’minlash maqsadida o‘z harbiy dengiz kuchlarini joylashtirishga tayyor ekanini ma’lum qildi. Bu haqda Italiya tashqi ishlar vaziri Antonio Tayani AQSh davlat kotibi Marko Rubio bilan Rimda bo‘lib o‘tgan uchrashuv davomida aytgan.
Vazirning ta’kidlashicha, Italiya ushbu qarorni hozirgi keskin geosiyosiy vaziyatni hisobga olgan holda ko‘rib chiqmoqda. Biroq Hormuz bo‘g‘oziga harbiy kemalarni yuborish AQSh va Eron o‘rtasidagi mojaro yakunlanganidan keyin amalga oshirilishi mumkin.
Tayani, shuningdek, Rim Yaqin Sharqda o‘t ochishni to‘xtatish va barqarorlikni ta’minlashga qaratilgan barcha tashabbuslarni qo‘llab-quvvatlashini ta’kidladi.
“Italiya muloqot va diplomatik yechimlarni davom ettirish tarafdori”, — dedi u.
