Taqdimotda uchish-qo‘nish yo‘lagini uzaytirish, aerodrom infratuzilmasini yangilash hamda yangi yo‘lovchi va yuk terminallarini qurish rejalari ko‘rib chiqildi.
Maydoni 20 ming kv.m bo‘ladigan yangi terminal bir vaqtning o‘zida 1,2 ming nafargacha yo‘lovchiga xizmat ko‘rsatish quvvatiga ega bo‘ladi. Shuningdek, samolyot turargohlari soni 10 tagacha oshirilishi ko‘zda tutilgan.
Prezident aeroport hududning “darvozasi” ekanini ta’kidlab, zamonaviy servis va yondosh xizmatlarni rivojlantirish bo‘yicha tavsiyalar berdi. Loyiha amalga oshsa, Farg‘ona vodiysining transport bog‘liqligi va sayyohlik salohiyati sezilarli oshishi kutilmoqda.
