Янги тизимга кўра, ер участкалари аукцион орқали сотувга чиқарилади. Бунда ер майдонларининг яхлитлиги ва суғориш тизимларининг сақланишига алоҳида эътибор қаратилади. Аукционларда Ўзбекистон резиденти бўлган барча фуқаролар ва юридик шахслар иштирок этиши мумкин.
Ғолиб бўлган иштирокчи ерни 49 йил муддатга ижарага олади ва қайси экинларни, қайси навларда ва қандай ҳажмда мустақил равишда белгилайди.
Лотлар одатда 3–50 гектар бўлади, айрим ҳолларда 500 гектаргача кенгайтирилиши мумкин. Бошланғич нарх ернинг 50% норматив қийматидан белгиланади, сотилмаса босқичма-босқич арзонлаштирилади.
Ер участкасининг бошланғич нархи унинг норматив қийматининг 50 фоизи миқдорида белгиланади. Агар лот сотилмаса, ҳар бир қайта аукционда нарх 10 фоизга тушириб борилади. Бу жараён нарх нормативнинг 10 фоизигача ёки аукцион харажатлари миқдорига етгунча давом этади.
Пахта ва ғалла фермерлари ернинг ярмидан воз кечса, қолган қисми учун ижара 49 йилга узайтирилади, лекин бу ҳуқуқ гаров сифатида ишлатилмайди.
