Президентга кўра, 2040 йилга бориб Орол денгизи ҳавзасида сув тақчиллиги йилига 20 млрд куб метргача етиши мумкин. Бу эса экология, қишлоқ хўжалиги ва энергетика соҳаларига жиддий хавф туғдиради.
Мирзиёев Ўзбекистонда суғориладиган ерларнинг 60 фоизида сув тежовчи технологиялар жорий этилгани, ҳар йили 10 млрд куб метр сув тежалаётганини маълум қилди.
Шу билан бирга, у Жамғарма фаолиятини модернизация қилиш, молиялаштириш механизмларини кучайтириш ва минтақавий ҳамкорликни кенгайтиришни таклиф этди.
Шунингдек, Ўзбекистон 2026–2036 йилларни Марказий Осиёда сувдан оқилона фойдаланиш ўн йиллиги деб эълон қилиш ташаббусини илгари сурди.
