Истанбулда таниқли шахсларга қаратилган гиёҳванд моддалар билан боғлиқ тергов доирасида 14 нафар гумондор қўлга олинди. Бу ҳақда расмий манбаларга таяниб Zamon.uz маълум қилди.
Хабарга кўра, ҳибсга олинганлар орасида бизнесменлар Фикрет Орман ва Бурак Элмас ҳам бор.
Истанбул Бош прокуратураси баёнотида айтилишича, жамиятнинг умумий ахлоқи, ижтимоий тузилмаси ва оила тартибини сақлаш мақсадида ушбу шахслар устидан суриштирув бошланган.
Олиб борилган ишлар ва тўпланган далиллар таҳлил қилганида, истеъмол қилиш мақсадида наркотик модда сақлаган ёки уларнинг тарқалишига ҳисса қўшган 16 нафар гумондор бўйича ҳибсга олиш ордери берилган.
Суриштирув доирасида Истанбул Наркотик жиноятларга қарши кураш бошқармаси ходимлари гумонланувчиларни қўлга олиш мақсадида 16 та манзилда бир вақтда амалиёт ўтказган. Натижада 14 киши ҳибсга олинган, 2 киши қидирувга берилган.
Шунингдек, суриштирув доирасида ҳибсга олиш учун ордер берилган шахслар қуйидагилар:
Фикрет Орман, Гузиде Аксой (Гузиде Дуран), Ҳакан Сабанжи, Карим Сабанжи, Ҳанде Эрчел, Бурак Элмас, Сезгин Койсурен, Ферҳат Айдин, Лутфие Туғче Ўзбудак, Корай Серенли, Онур Букчу, Исмаил Беҳрам Перинчекли, Каан Мелларт, Дидем Сойдан, Онур Талай, Мустафо Тари.
