Бугун, 1 сентябрь куни Покистоннинг Гилгит-Балтистон ҳудудида ҳарбий вертолёт ҳалокатга учради ва оқибатда 5 киши ҳалок бўлди. Бу ҳақда “Dawn” хабар берди.
Билдирилишича, Гилгит-Балтистон маъмурияти расмийси Файзулла Фаракнинг сўзларига кўра, ҳодиса эрталаб соат 10:00 атрофида Чилас шаҳри ҳудудида содир бўлган.
Маҳаллий полиция вакили Абдул Ҳамиднинг маълум қилишича, минтақа ҳокимиятига қарашли вертолёт янги учиш-қўниш йўлагига қўнишга уринганда қулаб тушган.
Ҳамиднинг қайд этишича, воқеа жойига зудлик билан политсия ва қутқарувчилар етиб борган.
Ҳалокат сабабларига аниқлик киритилмаган, бироқ айрим расмийлар ҳодиса “техник носозлик” туфайли юз берган бўлиши мумкинлигини тахмин қилмоқда.
ОАВнинг билдиришича, бортда командир Маёр Атиф, қўмондон Мажор Фаисал, парвоз муҳандиси Наиб Субедар Мақбул, экипаж раҳбари Ҳавалдар Жаҳонгир ҳамда Наик Амир бўлган.
