Аляскадаги саммитдан бир ҳафта ўтиб, Украинадаги урушни тугатиш бўйича музокараларда қандайдир тараққиёт ҳақида гапириш қийин: Владимир Путин ва Владимир Зеленскийнинг учрашуви тобора хаёлий кўринади ва Москва оммавий ахборот воситаларига кўра, Россия ва АҚШ ўртасидаги музокараларда "ёрилиш" яратган бир қатор баёнотлар берди, дея ёзмоқда ББС.
Учрашув бўладими?
Зеленскийнинг Вашингтонга ташрифи ортидан Дональд Трамп Россия ва Украина президентлари ўртасидаги учрашувни ташкиллаштиришни бошлаганини, ундан сўнг АҚШ иштирокида уч томонлама саммит ўтказилиши кераклигини айтди.
"Менимча, улар менсиз учрашишса, нима бўлишини кўриш учун яхшироқ бўларди. Мен нима бўлишини кўрмоқчиман", деди Трамп чоршанба куни берган интервьюсида.
"Кўрамиз, Путин ва Зеленский бирга ишлайдими. Биласизми, улар мой ва сиркага ўхшайди. Улар маълум сабабларга кўра келишмайди", - дея қўшимча қилди АҚШ президенти.
