Америкалик миллиардер Илон Маск ўз партиясини тузиш режаларини вақтинча тўхтатди. Бу ҳақда манбаларга таяниб, The Wall Street Journal хабар берди.
Маълум қилинишича, миллиардер ўз эътиборини компанияларга қаратмоқчи. У республикачилар партиясидан овозларни олиб қўйиши мумкин бўлган учинчи партияни тузиб, “таъсирчан республикачиларни” норози қилишни истамайди.
Сўнгги пайтларда АҚШ сенатори Жей Ди Венс билан кўп мулоқот қилмоқда ва агар Венс 2028 йилда президентликка номзодини қўйса, уни қўллаб-қувватлаш учун молиявий ресурсларидан фойдаланиши мумкин. Шунга қарамай, Маск янги партия тузиш имкониятини расман рад этмаган. Тарихан учинчи партиялар кўпинча икки асосий партиянинг овозларини қўлга киритиб келган.
Доналд Трампнинг иккинчи президентлик муддати бошида Маск ташаббуси билан Ҳукумат самарадорлиги департаменти (ДОГЕ) тузилган эди. Бироқ май охирида миллиардер ваколатлари тугагани учун давлат лавозимини тарк этди.
Июнь ойида Маск Трампнинг “катта гўзал қонун” лойиҳасини кескин танқид қилиб, у бюджет дефицитини янада оширишини айтди. Шунингдек, кейинги сайловларда демократларни қўллаб-қувватлаши мумкинлигини билдирди. Бунга жавобан Трамп унга “жуда жиддий муаммолар” бўлишини айтди, аммо Маск кейинчалик ярашув билан чиқди.
