Россия мактабларига қабул комиссияси якунланмоқда. Давлат Думасининг спикери ўзининг Телеграм-каналида дастлабки натижаларни эълон қилди.
Маълум қилинишича, қонунга кўра мигрантларнинг фарзандлари рус тилини билмаган ҳамда ота-онаси мамлакат ҳудудида қонуний бўлмаганда мактабга қабул қилинмайди.
Бошланғич ва ўрта синфларга қабул натижалари бир қатор ҳудудларда хорижий фуқаролар болаларининг ўқишга қабул қилиниши сезиларли даражада қисқарган.
Бунга асосий омиллар, ҳужжатларнинг тўлиқ эмаслиги ёки ёлғонлиги, жумладан, Россияда қонуний яшашни тасдиқловчи ҳужжатнинг йўқлиги, рус тилидан тест синовларини қониқарсиз топшириш ҳисобланади.
Шунингдек, Нижегород вилоятида топширилган аризалар сони қарийб 10 баравар, Воронеж вилоятида эса 7 бараварга камайган. Калуга вилоятида 91 мигрант боладан 55 нафари рус тилини етарли даражада билишини тасдиқлай олмаган, Свердловскда 66 дан 53 нафари, Тула вилоятида 62 дан 32 нафари, Коми Республикасида 14 дан 11 нафари, Қрим Республикасида эса 10 дан 4 нафари тестдан ўта олмаган.
