Италия дунёдаги энг катта учоқни барпо этмоқчи. Бу ҳақда “Ил Corriere Della Sera” хабар берди.
Маълум қилинишича, ҳаво кемаси “WиндРуннер” деб аталади. У жуда катта ҳажмдаги юкларни, хусусан, ҳозиргилардан анча каттароқ бўлган янги авлод электр станциялари учун мўлжалланган шамол турбиналарини ташишга мўлжалланади.
Самолёт лойиҳасини 2016 йилда Массачусетс технология институти профессори ва қайта тикланувчи энергетика бўйича мутахассис Марк Лундстром тадқиқотлари асосида ташкил этилган.
“WиндРуннер” – олд томондан юк ортиш тизимига эга, узунлиги 108 метр, қанот кенглиги 80 метр, парвози масофаси 2 минг километргача етадиган самолёт. Лойиҳа бўйича аллақачон Leonardo, Magnaghi Aerospace, Аэрннова, шунингдек, Голландия ва Буюк Британия компаниялари билан ҳамкорлик шартномалари имзоланган.
Бу лойиҳа орқали бир неча миллиард евро инвестиция жалб қилиниши, камида 2,5 мингта янги иш ўрни яратилиши, билвосита иш ўринлари эса бундан беш баравар кўп бўлиши кутилмоқда. Уни амалга ошириш йил охиригача бошланиши кутилмоқда.
