Германия АҚШ билан эришилган келишувга кўра Украинага яна икки дона Patriot зенит-ракета тизимини юборади.
Янги тизимлар “яқин кунларда” топширилади, кейинги икки-уч ой ичида эса уларни тўлдирувчи қўшимча қисмлар етказиб берилади. Бу ҳақда Германия мудофаа вазири Борис Писториус маълум қилди.
Киевга тизимлар юборилиши эвазига АҚШ Германияга кейинги авлод Patriot тизимларини биринчи бўлиб етказиб беришга ваъда берган.
Ҳозирда Германияда дастлабки 12 тизимдан атиги 6 таси қолган. Улардан учтаси аллақачон Украинага берилган, иккитаси Полшада жойлаштирилган, яна бири эса ўқув машғулотлари учун ишлатилмоқда.
