Кеча, 28 июнь дунё бўйлаб Халқаро гепатитга қарши кураш кунида Жаҳон соғлиқни сақлаш ташкилоти касалликни йўқ қилиш ва асоратларини бартараф этишга қаратилган баёнот билан чиқди.
Баёнотга кўра, сайёра бўйлаб ҳар 30 сонияда битта бемор оғир жигар хасталиги ёки вирусли гепатит сабаб келиб чиқадиган саратондан вафот этмоқда. Шунга қарамай, эпидемияни тўхтатиш учун барча имкониятлар ҳамда воситалар етарли.
Маълум қилинишича, гепатитнинг А, В, С, Д ВА Е турлари ўткир жигар касалликларининг асосий омили ҳисобланиб, фақат В, С, Д турлари жигар етишмовчилиги ва циррози касалликларини келтириб чиқариши мумкин.
Шу сабабдан аксарият беморлар вирусни юқтирганидан бехабар. Статистик маълумотларга кўра, ҳозир дунёда гепатитнинг В, С ва Д турларига чалинган 300 миллиондан ортиқ бемор бўлиб, улардан ҳар йили 1,3 миллион нафардан зиёди хасталик сабаб вафот этмоқда.
Маълумот учун, гепатит бўйича миллий ҳаракат режасига эга мамлакатлар сони 2025 йилда 59 тадан 123 тага кўпайган. Жорий йилда 129 та давлат ҳомиладор аёлларда гепатит Б ни текшириш сиёсатини ишлаб чиққан. Бу 2024 йилга солиштирганда 23 та кўп.
