АҚШ президенти Дональд Трампнинг вакили ўринбосари Жон Коэл Беларус раҳбари Александр Лукашенко билан ўтказган учрашув тафсилотларини очиқлади.
Politico ёзишича, бу учрашув кечки овқат вақтида, ароқ устида бўлган.
“Мен иккита стакан ичдим, лекин учинчисидан бош тортдим”, — деган Коэл. Учрашув чоғида сиёсий маҳбусларни озод қилиш масаласи муҳокама қилинган.
Маълумот учун, 21 июнь куни Лукашенко 14 нафар сиёсий маҳбусни афв этди, улар орасида 2020-йилги норозилик намойишларининг етакчиларидан бири Сергей Тихановский ҳам бор.
Politico бу учрашувни Трампнинг ташқи сиёсатдаги ёндашуви ўзгарганининг белгиси сифатида баҳолаган.
