Киев — Украина президенти Владимир Зеленский “Нафтогаз” раҳбари Сергей Коретский билан ўтказилган йиғилишда халқаро арбитраж қарорларини ҳаётга татбиқ этиш масаласини муҳокама қилди. Сўнгги йилларда Украина фойдасига чиқарилган суд қарорлари асосида Россиядан жами 6,9 миллиард доллар ундириб олиниши кутилмоқда.
Зеленский ижтимоий тармоқларда шундай ёзди:
“Бугунги кунда халқаро арбитражлар Украина фойдасига бир неча ижобий қарор чиқарди. Уларнинг умумий суммаси 6,9 миллиард долларни ташкил этади. Бу — Россия ва ъГазпромънинг жавобгарлигини тасдиқловчи ва халқаро ҳуқуқнинг кучини кўрсатувчи адолатли қарорлардир. Эндиликда бу маблағларни ундириш учун аниқ амалий қадамлар тайёрланмоқда. Эртага Украина элчиларига зарур кўрсатмалар берилади.”
Маълумот учун, июнь ойида халқаро арбитраж Россиянинг “Газпром” компаниясини “Нафтогаз”га 1,37 миллиард доллар тўлашга мажбур қилган эди – бу Украина ҳудуди орқали газ транзитини ташкил қилиш хизматлари учун тўланмаган қарздорликдир.
Шунингдек, апрель ойида Франция суди Россиядан яна 5 миллиард долларни мажбурий ундириб бериш тўғрисида қарор чиқарган.
Зеленский баёноти ортидан дипломатик ҳаракатлар фаоллашиши кутилмоқда. Украина халқаро ҳуқуқ доирасида иқтисодий босим механизмларидан фойдаланишга тайёрланмоқда.
