Украина Миллий хавфсизлик ва мудофаа кенгаши котиби Рустем Умеров Россияга келаси ҳафта музокара гуруҳлари навбатдаги йиғилишини ўтказиш таклифини берди, деди Президент Владимир Зеленский ижтимоий тармоқ орқали.
Маълумотни “РИА Новости”нинг РФ музокара гуруҳидаги манбаси ҳам тасдиқлаган. Мулозимнинг сўзларига кўра, Москва анчадан бери мулоқотга тайёр, Киев ишораси эса тадбир санаси тез орада аниқланишига умид беради.
Томонлар ҳозиргача Истанбулда икки марта учрашув ўтказди. Натижада ўзаро асирлар алмашилди, ҳалок бўлган аскарлар топширилди. Шунингдек, Москва ва Киев можарони ҳал қилиш бўйича меморандум лойиҳасини ҳам алмашган.
