Ҳиндистоннинг Авиация ҳодисаларини тергов қилиш бюроси (ААИБ) 260 кишининг ҳаётига зомин бўлган ўтган ойги Air India самолёти ҳалокати юзасидан ҳозирча ҳеч қандай аниқ хулоса чиқарилмаганини билдирди.
ААИБ раҳбари ГВГ Югандҳар пайшанба куни журналистлар билан бўлган мулоқотда шундай деди:
“Тергов ҳали якунига етгани йўқ. Илтимос, жамоатчилик ва ОАВ воқеани эрта хулосалар билан талқин қилишдан тийилсин. Бу тергов жараёнининг холислигини хавф остига қўйиши мумкин.”
Эслатиб ўтамиз, Boeing ҳаво кемаси иштирокидаги ҳалокат Ҳиндистон сўнгги йилларда дуч келган энг йирик авиация фожиаларидан бири бўлди.
Ҳолат юзасидан тергов давом этмоқда. Ҳозирча фожианинг сабаблари ҳақида расмий хулоса йўқ.
