Украина президенти Зеленский Ватикан раҳбари билан бўлиб ўтган суҳбатдан сўнг, Ватиканда етакчилар даражасида музокаралар ўтказиш таклифи очиқ қолаётганини айтди.
Унинг сўзларига кўра, бу ташаббус Россия тажовузини тўхтатиш ва ҳақиқий, узоқ муддатли тинчликка эришиш мақсадини кўзлайди. Айни пайтда фақат Москва ушбу таклифни ҳамда бошқа барча тинчлик ташаббусларини рад этмоқда.
Ватикан ўз баёнотида Папа Лев XIV ва Зеленский “адолатли ва барқарор тинчлик зарурлиги” ҳақида гаплашганини билдирди. Папа Украина халқига ҳамдардлик билдириб, уруш қурбонлари учун ибодат қилган ва асирларни озод қилиш, умумий ечимлар излаш йўлида ҳаракатларни рағбатлантирган.
Шунингдек, Зеленский Папа Лев ХИВга Россия томонидан ноқонуний олиб кетилган украиналик болаларни қайтаришга ёрдам бергани учун миннатдорлик билдирди.
Унга кўра, бу болалар энди Италияда реабилитация ва дам олиш имконига эга бўлмоқда.
