Россия, Хитой ва АҚШ – дунё хавфсизлигига энг катта таҳдид сифатида кўрилмоқда

“Pew Research Center” томонидан ўтказилган глобал сўров натижалари шуни кўрсатдики, дунё аҳолисининг аксарияти Россия, Хитой ва АҚШни энг катта таҳдид сифатида кўрмоқда. Ушбу сўровда 25 мамлакатдан 32 мингга яқин респондент иштирок этган бўлиб, улар орасида Россия ва Украина фуқаролари бўлмаган.

Тадқиқотга кўра, айниқса Европа мамлакатларида Россияга бўлган салбий муносабат кучайган. Мисол учун:

— Полшаликларнинг 81 фоизи,

— Швецияликларнинг 77 фоизи,

— Германияликларнинг 59 фоизи,

—Нидерландияликларнинг 57 фоизи Россияни асосий таҳдид деб ҳисоблайди.

Испанияда эса респондентлар тенг миқдорда Россия ва АҚШни хавф деб билади. Грецияда эса аксарият (74 фоиз) фуқаролар Туркияни асосий хавф деб атаган.

Сўров натижаларига кўра, АҚШга нисбатан ҳам салбий муносабат кучайган. Жумладан:

 — Мексика аҳолиси орасида 68 фоиз,

— Канада – 59 фоиз,

— Бразилия ва Аргентина – ҳар иккиси 24 фоиз АҚШни хавф деб билади.

Эътиборга молик жиҳати шундаки, Канадада АҚШни таҳдид деб билувчилар сони 2019 йилга нисбатан уч бараварга ошган. Мутахассислар бу ҳолатни Доналд Трампнинг Оқ уйга қайтиши билан боғламоқда.